مواقف ضحكة

انا بقا
مره بابا وانا كنت فى الثانويه
جه فى يوم قالى انا واخواتى ننام ومنتفرجشى على التيليفزيون باليل
لاننا دائما كنا نتفرج عليه بليل
فى اليوم ده كان فيه فيلم كوميدى حلو وكنا مستنينه
المهم
خالينا بابا نام
وفتحنا التيليفزيون براحه ووطينا الصوت واتفرجنا
جه اخويا الصغير
وكان وقتها فى تالته ابتدلئى
المهم اخويا الصغير كان بيضحك بصوت عالى
نقله يا ابنى اضحك براحه بابا هيصحى يزعق
مفيش فايده
المهم اننا بنتفق انا واخواتى لما يحصل كابسه وبابا او ماما يصحوا
على طول واحد فى ايده الريموت والباقى يجرى على اوضته
المهم
فى اليوم ده بابا صحى واحنا سمعناه وهو صاحى
واخواتى الاتنين جريوا على اوضتهم
فعلشان اجرى بسرعه شيلت اخويا ودخلت جرى
قابلنى بابا فى وشى
انا اتخضيت قمت سايب اخويا فى الارض
وجريت
بس كان ساعتها شكلنا يموت من الضحك
ولحد دلوقتى انا بفتكر الموقف ده بضحك


اخوكم / احمد نور